ជំនួបរវាងប្រធានមូលធិកេរ្តិដំណែលខ្មែរនិងអ្នកសរសេរអត្តបទប្រវត្តិតំបន់ក្រវាញទទួលបានផ្លែផ្កា

កាលពីវេលាម៉ោង៤​រសៀល ថ្ងៃទី១៤​ ខែកញ្ញា ឆ្នាំ២០១២ កន្លងទៅនេះ លោក ចិន ចាន់រតនា ប្រធាន​មូលនិធិកេរ្តិដំណែលខ្មែរ និង លោក ទីធាវី អ្នកសរសេរអត្តបទប្រវត្តំបន់ភ្នំក្រវាញ បាន​ណាត់ជួបគ្នានៅ Brown Coffee រាជធានីភ្នំពេញ។

ក្នុង​ជំនួបគ្នានោះ លោក ចិន ចាន់រតនា បានស្នើរសុំអោយលោកទី ធាវី ចូលសកម្មភាព​ទស្សនាវដ្តីកេរ្តិដំណែលខ្មែរ ចងក្រងអត្តបទស្រាវជ្រាវបន្ថែមទៀត សំរាប់កេរ្តិដំណែល​ប្រវត្តិ​សាស្ត្រ​​ខ្មែរទុកសម្រាប់ជាទន់រៀនសូត្រដល់ កូនខ្មែរជំនាន់ក្រោយ ក៏ដូចជាបង្ហាញពីវប្បធ៌ម ទំនៀមទម្លាប់ ដ៏សម្បូរបែបនៃ ប្រពៃណីតំបន់និមួយៗក្នុងប្រទេសកម្ពុជាអោយ​អន្តរជាតិ​បានស្ញើប​ស្ញែងអំពីប្រវត្តិសាស្ត្រទាំងនេះ។

ក្នុងជំនួបនេះដែរលោកទី ធាវី បានសន្យាយល់ព្រមចូលរួមយ៉ាងសប្បាយចិត្ត និងបាន​ផ្តល់ជាគំនិត​អភិវឌ្ឍន៍ ដោយមានប្រសាសន៍យ៉ាងដូច្នេះថា ​‘ជាចាំបាច់ យើងគប្បីត្រូវរៀប​ចំរចនាសម្ពន្ធ និងលក្ខខន្តិកៈអោយច្បាស់លាស់។ អ្វីដែលជាបទពិសោធន៍របស់ខ្ញុំនោះ គឺចាំបាច់​ត្រូវពិនិត្យមើលថាតើក្រុមរបស់យើងមានឆន្ទៈប៉ុណ្ណា ហើយក្រុមនេះមានជំនាញយ៉ាងណាដែរ។ អ្វីដែលសំខាន់គឺគ្រឹះធនធានមនុស្ស ចៀសវាង​បង្កើតហើយបែរជាបរាជ័យទៅវិញ។​’

សូមជំរាបថា មូលនិធិកេរដំណែលខ្មែរពុំទាន់មានជំនួយទ្រង់ទ្រាយធំដុំនៅឡើយទេ។ អ្វីដែល​អ្វីទស្សនាវដ្តី​មួយនេះបានបោះពុម្ភលើកទី១បាននោះ គឺដោយក្រុមស្មគ្រចិត្ត បានស្រាវជ្រាវ និងសរសេរ ដោយពុំគិតកម្រៃឡើយ។ មួយវិញទៀតសកម្មភាព​កន្លងមក​បានប្រមូល​ថវិកាខ្លះៗ​ផងដែរតាមរយៈបញ្ចាំងភាពយន្តរឿង ឃ្លាទៅសែនឆ្ងាយ និងបានចំណូលទុកសម្រាប់​ទ្រទ្រង​សម្មភាពកេរ្តិដំណែរខ្មែរមួយនេះ។ នេះបើតាមលោក ចិន ចាន់តារាមានប្រសាសន៍​អោយ​ដឹងក្នុងជំនួបនោះ។

ចុងក្រោយ ជំនួបដ៏មានន័យនេះ បានកំណត់ការណែនាំសមាជិកក្រុមកេរ្តិដំណែល នៅខណៈ​ប្រហែលជាចុងខែកញ្ញាខាងមុខនេះ។

សង្ឃឹមថាប្រិយមិត្តទាំងអស់នឹងបានចូលរួមចំណែកជាវិភាគទានទោះជាគំនិតឬថវិកាក្តី ដើម្បីអោយក្រុមកេរ្តិដំណែលខ្មែរមួយនេះមានលទ្ធភាពស្រាវជ្រាវនិងចងក្រងប្រវត្តិគ្រប់ទីតំបន់នៃរាជាណាចក្រកម្ពុជាដើម្បីអោយសមទៅនឹងបាវចនាទេសចរណ៍ថា ព្រះរាជាអច្ឆរិយៈ។