រកឃើញតំបន់ពាងបុរាណថ្មីមួយទៀតនៅជួរភ្នំក្រវាញភាគខាងត្បូង

ត្រពាំងរូងៈ ថ្មីនេះៗសហគមន៍អេកូទេសចរណ៍ត្រពាំងរូងស្រុកកោះកុង ខេត្តកោះកុង បានកំណត់តំបន់​ទាក់ទាញថ្មីមួយ​ទៀតបន្ថែមលើ​ធនធាន​ធម្មជាតិក្នុងជួរភ្នំក្រវាញ​ភាគខាងត្បូង​ដែលបានរកឃើញកន្លងមក និងកំណត់​ចូល​ទៅក្នុងផែន​ទីទេសចរណ៍​សហគមន៍។

តំបន់នោះត្រូវបាន​គេអះអាងថា​ជាតំបន់ពាងបុរាណ។ វាបានត្រូវរកឃើញ​ក្នុងឆ្នាំ២០០៩​ដោយ​ក្រុម​រុករកមួយក្រុមដែលសំដៅការអភិឌ្ឍតំបន់អេកូទេសចរណ៍ត្រពាំងរូង។

ទាក់ទងនឹងពាងបុរាណនេះ លោកគុណសាវុធ ប្រធានសហគន៍អេកូទេសចរណ៍ត្រពាំងរូង បាន​ប្រាប់អោយដឹងថា វាមានចំងាយ​ពីភូមិត្រពាំងរូងចូល​ព្រៃជ្រៅឬទៅ​តាមផ្លូវទឹក​ព្រែកស្ទឹង​អារ៉ែងដ៏វែងឆ្ងាយ។ វាចំណាយសរុបគិតតាមចំនុចជីភីអេស ៦៧គីឡូម៉ែត្រពីភូមិត្រពាំងរូង។

លោក ផែន ដែន ជាសមាជិកក្រុមរុករកនោះបានជម្រាបអោយដឹងផងដែរថា ពាងបូរាណ​នេះយើងបានកំណត់ថាជាតំបន់ពាងបូរាណថ្មីដ៏ទាក់ទាញមួយផងដែរមិនចាញអេកូទេសចរណ៍​នៅជីផាតទេ។ តំបន់ពាងបុរាណដ៏កម្រមួយនេះ មានពាងតែ​ចំនួន៥ ប៉ុណ្ណោះ។ប៉ុន្តែលោក​សង្ឃឹមថា នៅមានពាងបុរាណច្រើនទៀតនៅតំបន់ទេសចរណ៍ត្រពាំងរូងរបស់យើង។ សូមជម្រាប​ថា ពាងបុរាណនេះ ពុំទាន់មានក្រុមអ្នកវិភាគភាជន៍ជំនាញណាមួយ​បានមកវិភាគ​ដូចពាង​បុរាណ​នៅជីផាតឡើយ។ ប៉ុន្តែវាត្រូវបានសហគមន៍ត្រពាំងរូងកំណត់ថាពាងបុរាណនោះ ព្រោះ​សណ្ឋានពាងដូចពាងបុរាណនៅភ្នំប៉ែល ក្នុងឃុំជី ផាតដូចគ្នាបេះបិត។​

បុរសម្នាក់ដែលជាអតិតកងទ័ពឧទ្ទាមខ្មែរក្រហមមានមូលដ្ឋាននៅម្តុំនោះក្នុងទស្សវត្តន៍ឆ្នាំ១៩៨០ និង៩០ បាននិយាយថា ‘កងទ័ពខ្មែរក្រហមមានច្រើនណាស់នៅម្តុំនោះ ប៉ុន្តែមិនដែលជួបវាទេ។

ពាងបុរាណនេះ ភាគច្រើនបាក់បែក ហើយកបចូលទៅក្នុងដី លើចង្កេះភ្នំ ដែលមានកម្ពស់ ជម្រាលភ្នំ​ ៤០ម៉ែត្រ។ វាស្ថិតនៅលើល្អាងក្បាយស្ទឹងអារ៉ែង ដែលជាចំនុចប្រសព្វស្ទឹងតូច៣ ដែលគេកំណត់ឈ្មោះថាអូរចែកដី ព្រោះថានៅតំបន់ដ៏អាថ៏កំបាំងនិងទាក់ទាញមួយនេះ មានសណ្ឋានចែកដាក់ពីគ្នា។ មួយផ្នែកខាងពាងបុរាណនេះគឺជាប្រភេទដីក្រហម។​ តែផ្នែក

ក្រោមជាប្រភេទដីខ្មៅ។

ដោយ ទី ធាវី
Email: tytheavy@gmail.com
Tel: (855) 89 21 49 11