ចំណូលចិត្តសិល្បៈឬនិស្ស័យជិវិត

ជីវិតគឺព្រហ្មលិខិតជាអ្នកកំណត់ឬអាចនិយាយម៉្យាងទៀតថាធម្មជាតិជីវិតព្រហ្មលិខិតជាអ្នកលាបព៌ណ។ទាំងនេះជាទស្សនៈព្រហ្មនិយមនៃជំនឿបែបសាសនាព្រហ្មញ្ញ័។ប៉ុន្តែយ៉ាងណាក៏ដោយរឿងជីវិតគឺគ្មានអ្នកណាម្នាក់ឬអ្នកវិទ្យាសាស្រ្តណាអាចបកស្រាយអោយបានជ្រះ​ស្រឡៈបានឡើយ។តាមទ្រឺស្តីទស្សនៈវិទ្យាដែលខ្ញុំបានសិក្សាកាលពីថ្នាក់ទី១២បាននិយាយថាហេតុដែលមនុស្សម្នាក់ៗកើតមកមានចរិតលក្ខណៈខុសប្លែកៗពីគ្នានោះគឺបណ្តាលមកពី​មួយក្នុងចំណោមឥន្ត្រីយារម្មណ៍ទាំង៥របស់បុគ្គលម្នាក់នោះខ្ពស់ពីខុសពីគ្នា។ខ្ញុំសូមមិនរៀប​រាប់លំអិតអំពីឥន្ទ្រីយ៍រម្មណ៍ទាំងនោះទេ។ផ្ទុយទៅវិញខ្ញុំគ្រាន់តែចង់និយាយថារូបខ្ញុំនេះ​ប្រហែលជាមនុស្សម្នាក់មានវេទនារម្មណ៍ខ្ពស់ជាងគេហើយមើលទៅបានជាតំរូវអោយខ្ញុំមាន​មនោសញ្ចេត្តនាពិសេសមួយគឺឆាប់អាណិតគេនិងមានចិត្តស្រលាញ់លើគេរៀប់មិនអស់។គឺថាពេលខ្លះខ្ញុំមិនគិតទៅលើសម្រស់របស់នាងទេ។វិញទេដែលខ្ញុំគិតទៅលើទង្វើរល្អរបស់នាង។កែវភ្នែកស្នាមញញឹមក៏ជាអន្ទាក់ទាក់អារម្មណ៍ខ្ញុំផងដែរ។ប៉ុន្តែខ្ញុំជាមនុស្សម្នាក់ដែលមិនចូល​ចិត្តអ្នកនិយាយច្រើនឡើយ។ខ្ញុំជាមនុស្សសំបូរទឹកភ្នែក។អាចនិយាយថាជាមនុស្សទន់​ជ្រាយក៏ថាបាន។ប៉ុន្តែបើគិតដូច្នេះវាពិតជាខុសស្រឡះតែម្តង់ព្រោះថាខ្ញុំធ្លាប់ដឹងខ្លួនឯងថា​ឆាប់អាណិតគេមែនតែបើការអាណិតធ្វើអោយខ្ញុំចិត្តដាច់គឺដាច់តែម្តងមិនស្រណោះឡើយ។​ដូចពាក្យខ្ញុំតែងនិយាយលេងថា”មាន់ខ្ញុំមិនហានអារទេកតែបើដល់កមនុស្សក៏អារដែរ”។ នេះគ្រាន់តែជាកំណត់អោយខ្ញុំរឹងមាំប៉ឺងប៉ុណ្ណោះ។និយាយអំពីចំណង់ចំណូលចិត្តសិល្បៈវិញ កាលនៅពីតូច ខ្ញុំចូលចិត្តស្តាប់រឿង និយាយក្តី រឿងតាមវិទ្យុក្តី គឺចូលចិត្តស្តាប់ណាស់។​តាម​ខ្ញុំ​ចាំ នៅស្ទើររាល់យប់ នៅស្រុករបស់ខ្ញុំខ្ញុំជាកូនអ្នកក្រខ្សត់ជាងគេ​ដែលមាន​តែម្តាយ​និងជី​ដូនជីតានៅផ្ទះពួកគាត់មិនមានវិទ្យុស្តាប់ទេដូចនេះខ្ញុំត្រូវទៅស្តាប់រឿងតាមវិទ្យុនៅផ្ទះគេក្បែរខាង មានផ្ទះតាដន ពូអៀងជាដើម ជួនកាលខ្ញុំត្រូវដេកនៅផ្ទះគេក៏មាន។​ខ្ញុំនៅចាំបាន​ថាមាន​យប់មួយនោះខ្ញុំបានលុងលក់នៅផ្ទះតាមដននៅប្រហែលជាម៉ោង១ជិតភ្លឺខ្ញុំដឹងខ្លួនពីដេក​ហើយដឹងថាខ្ញុំដេកផ្ទះគេ។ប៉ុន្តែខ្ញុំមិនអាចចុះមកផ្ទះបានទេព្រោះផ្ទះទ្វាផ្ទះគេឃ្ទាស់បាត់ទៅហើយ។ប៉ុន្តែយ៉ាងណាក៏ដោយខ្ញុំក៏សប្បាយចិត្តព្រោះខ្ញុំស្រលាញ់កូនម្ចាស់ផ្ទះនោះ។ គ្រានោះកញ្ញាបានដេកលើប៉ាអ៊ីក្បែរខ្ញុំ។ កញ្ញានិងខ្ញុំក៏ធ្លាប់លេងល្ខោន ធ្វើរោងបាំងស្លឹកចេក ក្នុងគ្រានៅ​តូចដូចគ្នា​ផងដែរ។​បច្ចុប្បន្ននាងមានកូនប្រហែលជាពីរបីហើយ។​ក្រៅពីនិស្ស័យ​ចូល​ចិត្ត​លេង​ល្ខោន និងស្តាប់វិទ្យុ ទាំងនោះរូបខ្ញុំចូលចិត្តច្រៀងផងដែរ។​ត្រង់ចំណុចនេះ​ធ្វើ​អោយខ្ញុំនឹងឃើញបទពេញនិយមមួយចំនួនរបស់ខ្ញុំក្នុងគ្រានៅក្មេងនោះគឺបទរបាំគោះ​ត្រឡោះដែលបង្ហាត់ដោយគ្រូជឿន និងបទល្ខោនបាកសាក់ បទចំរៀងកុមារឈានមុខ និងកំណាព្យជាដើម។ ការអានខ្ញុំមិនសូវចូលចិត្តប៉ុន្មានទេពេលនោះ។

ដោយ ទី ធាវី
Tel: (8550 98 21 49 11
Email: tytheavy@gmail.com