បានត្រឹមស្រមៃ!

ចន្ទអើយចន្ទ្រាមេឃាសែនខ្ពស់                           ជួបភក្ត្ររងគ្រោះរង្គោះបេះដូង

តើដឹងឬទេបងលង់ស្នេហ៍ស្ងួន                             លង់ចិត្តដែលអូនចិត្តស្ងួនប្រពៃ។

ចន្ទ្រអើយរះខ្ពស់ហួសពីហត្ថា                             ឱក្តីស្នេហាបានត្រឹមស្រមៃ

បើចន្ទ្រអាណីតពិតមាននិស្ស័យ                          សូមអោយមេឃដីនាំស្រីជាគូរ។

ឱរាត្រីអើយអាណីតខ្ញុំផង                                    នាំចិត្តនួនល្អងកុំបង្អង់យូរ

ព្រមស្ម័គ្ររូបខ្ញុំដូចទាវគំរូ                                     បងសុខចិត្តប្តូរស៊ូស្លាប់ព្រោះស្រី

បើអូនមានចិត្តត្រឹមតែជាមិត្ត                                ពុំដែលនឹកគិតលះបង់ភក្តី

នេះមកពីខ្ញុំចេះតែស្រមៃ                                     បានជួបរូបស្រីគ្រឹមតែសុបិន្ត។

                                                                           ដោយ ទី ធាវី

                                                                           Tel: (855) 89 21 49 11

                                                                           Email: tytheavy@gmail.com

ឋានសួគ៌លើផែនដី

ឋានសួគ៌លើដីនៅឯណា!                                    ក្នុងកែវនេត្រាជនទេសចរ

កន្លែងកំសាន្តសុទ្ធតែល្អ                                       មនុស្សឈូឆរនាំគ្នាទៅ។

នោះគឺកន្លែងទីឋានមួយ                                      ឃើញហើយរំជួយដិតដាមនៅ

ជាប់ក្នុងអារម្មណ៍ស្អាតពេកកូវ                             ខ្នងភ្នំវាលស្មៅខែរងារ។

ភ្នំដោះក្រមុំគន់ចម្លែក                                          ទេសភាពប្លែកខេត្តនានា

មណ្ឌលគីរីជ្រោះរមនា                                        រាត្រីរងារភូមិពូតាំង។

ភូមិព្នងខ្មែរដើមផ្តើមស្នេហា                                 ស្នេហ៍ជ្រោះបូស្រារដូវប្រាំង

ជ្រោះដំំណាក់ស្តេចទឹកធ្លាក់ខ្លាំង                         ស្នេហ៍ភូមិពូតាំងសែនមនោរម្យ។

ឱចំការស្រល់ដល់ទីខេត្ត                                     លង់ស្នេហ៍អណែកដីទួលភ្នំ

មើលទៅឯនាយមេឃស្រទុំ                                 មើលសមុទ្រភ្នំលង់ព្រឹក្សា។

ចិត្តនៅស្រមៃអាល័យឃ្លាត                                 សូមត្រដាងលាតក្តីស្នេហា

មណ្ឌលគីរីតើថ្ងៃណា?                                         ងូតទឹកប៊ូស្រាប្រលោមស្នេហ៍។

                                                                           ដោយ ទី ធាវី

                                                                           Tel: (855) 89 21 49 11

                                                                           Email: tytheavy@gmail.com

ចិត្តបាត់ទៅណា!

យប់នេះចន្ទ្ររះជះពន្លី                                         ម៉ោងបួនទាបភ្លឺមាន់រងាវ

ចៅចិតនឹកឃុនទុំនឹកទាវ                                     ប្រគុំស្រដៀវនឹកចង្វាក់។

តើរូបខ្ញុំវិញនឹកនរណា                                         កន្លង់នឹកផ្កាប៉ានឹកម៉ាក់

ជាងទងធ្វើមាសនឹកដល់ប្រាក់                             អ្នកល្បែងនឹកចាក់គិតស៊ីសង។

ពុទ្ធោចិត្តខ្ញុំផ្តុំមហិមា                                            រាត្រីរងារខុសរាល់ដង

យប់នេះហេតុអ្វីនឹកនួនល្អង                                 ចិត្តចេះតែប៉ងចង់ជួបភក្ត្រ។

សុំទោសមិត្តអើយធ្វើម្តេចទេ                               ចិត្តចេះតែរេនឹកដល់អ្នក

នេះព្រហ្មលិខិតនាំជំពាក់                                     ខ្យល់ផាត់បក់ធ្លាក់ប៉ះរាយកាយ។

ក៏ព្រោះតែយើងបានជួបគ្នា                                  ទាំងពីរអង្គារពីររាងអាយ

បើស្មគ្រជាមិត្តគួអោយស្តាយ                              ស្តាយរូបឆោមឆាយជាគូរគាប់។

ដឹងទេរូបអូនគួទាក់ទាក់ទាញ                              ចំណេះជំនាញក៏ខ្ញុំរាប់

ស្វាហាប់ក្លាហានដូចមេទ័ព                                 សម្ផស្សល្អគាប់ពេញហរទ័យ។

មួយវិញចិត្តស្ងួនពេញលះបង់                              ពេញដោយស្មោះត្រង់សមឈ្មោះស្រី

វាចារស្រទន់ជួបមួយថ្ងៃ                                       អោយខ្ញុំស្រម័យមួយសង្ខារ។

ពេលនេះចិត្តខ្ញុំលុងទៅបាត់                                តាមរាត្រីស្ងាត់បាត់ទៅណា?

បើអ្នកបានដឹងសូមមេត្តា                                     ពាក្យនេះស្នេហាដោយស្មោះត្រង់។

                                                                           ដោយ ទី ធាវី

                                                                           Tel: (855) 89 21 49 11

                                                                           Email: tytheavy@gmail.com

កន្សែង

កន្សែងតូចធំរុំប្រើប្រាស់                  ទាំងក្មេងទាំងចាស់ត្រូវការវា

រកដណ្តប់ប្រាណខែរងា                  ហ៊ុមប្រើគ្រប់គ្នាពេលត្រូវការ។

កន្សែងចួនកាលប្រើជូតមុខ             រកទិញមកទុកពីទីផ្សារ

ជូតដៃជូតជើងជូតកេសា                 ជូតទឹកនេត្រាពេលហូរយំ។    

កន្សែងខ្លះទៀតជូតច្រមុះ                កន្សែងខ្លះនុះយកមកឃ្លុំ

ពេលមានរបួសយកវារុំ                   ទោះបុណ្យនិងភ្ជុំហ៊ុមពានា។

កន្សែងមានគុណក្រៃគន្លង              កន្សែងរ៉ាប់រងគ្រប់អង្គា

កន្សែងត្រូវការគ្រប់ៗគ្នា                  ពេលក្តៅរងារវាចាំបាច់។

\កន្សែងពេលខ្លះប្រើទទូរ                 ពេលហាលថ្ងៃយូរជួយសម្រច

សម្រួលបន្ថយកំដៅសាច់                ទោះកន្សែងដាច់ជួយសម្រូល។

គ្រប់គ្នាគ្រុនក្តៅជួយបន្ថយ              កន្សែងជួយអោយត្រជាក់ស្រួល

ជ្រលក់ក្នុងទឹករួចពូតមួល                ជួតប្រាណបានប្រួលថយកំដៅ។

ឱកន្សែងពេលអស់ខ្លឹមសារ             កន្សែងអនិច្ចាក្លាយកន្ទប

គេនៅត្រូវការទើបគេរក                  កន្សែងធ្លាក់មកក្តោបធ្វើប៉ឹង។

គេយកន្ទបមកជូតជើង                   កន្ទបកនយើងអស់ន័យហ្នឹង

ត្រឹមជូតលាមកនិងធ្វើប៉ឹង                កន្ទបបានត្រឹមស្អុយឆ្អេះឆ្អាប។

                                                ភ្នំពេញ ថ្ងៃទី ២៩ ខែមេសា ឆ្នាំ២០១២
                                         Tel: (855) 89 21 49 11
                                         Email: tytheavy@gmail.com
                                                ដោយ ទីធាវី