បដិសណ្ឋារកិច្ច និងទំនាក់ទំនងអន្តរជាតិ

(រៀបរៀងដោយ ទី ធាវី)
១.និយមន័យៈ
បដិសណ្ឋារកិច្ច គឺមកពីពាក្យបាលីថា បដិសណ្ឋារៈដោយមានន័យយ៉ាងខ្លីនិងងាយយល់ថាគឺជាការ ទទួលស្វាគមន៍ភ្ញៀវដោយភាពរាក់ទាក់ល្អ ។ បដិសណ្ឋារកិច្ច និងពាក្យថាទំនាក់ទំនង គឺបំពេញន័យ អោយគ្នាទៅវិញទៅមកដោយជៀសមិនរួច។ ធ្វើបដិសណ្ឋារកិច្ចចាំបាច់ត្រូវមានទំនាក់ទំនងដែលភា សាអង់គ្លេសកំណត់នូវបីពាក្យថាReception(ការទទួល) Meeting (ការជួប)and Welcome (ស្វាគមន៍)។

• អ្នកដែលមានទំនាក់ទំនងល្អគឺគេចេះពិធីការក្នុងការប្រាស្រ័យទាក់ទងមនុស្ស។ ពីធីការនោះរួមមានៈ

1. ចេះប្រើភាសាទំនាក់ទំនង

• ចេះប្រើកែវភ្នែក
• ចេះប្រើចំលើយសមរម្យងាយយល់
• កាយវិការ
• ចេះភាសាអង់គ្លេស (យ៉ាងហោចណាស់អាចនិយាយបានតិចតួច)

1. មានចរិយាសម្បត្តិល្អ

• ចេះប្រើស្នាមញញឹម
• រួសរាយរាក់ទាក់

1. ចេះភាពបត់បែន

• ដឹងពីឋានៈរបស់ភ្ញៀវ
• ដឹងពីភាពខុសគ្នានៃវប្បធ៌មភ្ញៀវ
• ដឹងពីប្រពៃណីវប្បធ៌មរបស់ខ្លួន

1. ចេះប្រើសម្ភារៈ

• ចេះប្រើសំលៀកបំពាក់តាមពិធី
• ចេះតុបតែងកាយតាមពិធី
• ក្លិន

1. ការចេះប្រើភាសាទំនាក់ទំនង៖ វាចាំបាច់ណាស់ក្នុងការធ្វើបដិសណ្ឋារកិច្ចជាមួយអតិថិជន។ ការធ្វើបដិសណ្ឋារកិច្ចដោយគ្មានជំនាញទំនាក់ទំនងតែងតែទទួលបានមតិរិះគន់ពីភ្ងៀវថាជាសេវាកម្មអន់បំផុត។ដូចនេះការធ្វើទំនាក់ទំនាក់ល្អធ្វើយ៉ាងណាអោយអតិថិជនរបស់ខ្លួនពេញចិត្តនូវសេវាកម្មរបស់ខ្លួន។ ក្នុងនោះ

• ចេះប្រើកែវភ្នែក៖ ប្រើកែវភ្នែកសំឡឹងដោយន័យយកចិត្តទុកដាក់ជាមួយដៃគូរនិយាយនៅពេលប្រាស័យទំនាក់ទំនាក់គ្នា
• ចេះប្រើចំលើយងាយយល់៖ ចំលើយងាយស្រួលគឺការប្រើប្រាស់ពាក្យសាម័ញ្ញនិងផ្លូវការ
• ចេះប្រើភាសាកាយវិការ៖ ការប្រើកាយវិការឬភាសាគ គឺជាការល្អបំផុត។ ការទំនាក់ដោយគ្មានកាយវិការវាជាការទំនាក់ទំនងដ៏សោះកក្រោះ។ ការវិកាយជាមធ្យោបាយប្រាប់ទៅដៃគូរសន្ទនាអោយយល់នូវអ្វីដែលយើងពិបាក់ប្រាប់ជាភាសានិយាយ(មិនមែនភាសាជាតិ)បាន។
• ចេះនិយាយអង់គ្លេស យ៉ាងហោចណាស់ភាសាមូលដ្ឋាន

1. មានចរិយាសម្បត្តិល្អ៖ ការធ្វើបដិសណ្ឋារកិច្ចល្អគឺទាមទាអោយបុគ្គលដែលធ្វើបដិសណ្ឋារកិច្ចនោះ

• មានភាពរួសរាយរាក់ទាក់
• ចេះប្រើស្នាមញញឹម

1. ចេះភាពបត់បែន៖ ចេះភាពបទបែនគឺចាត់ទុកថាជាអ្នកធ្វើបដិសណ្ឋារកិច្ចឆ្លាតវាងវៃបំផុតដោយចេះស្វែងយល់ពីភាពជាក់ស្តែងរបស់អតិថិជន។ ភាពបទបែននេះចាំបាច់ត្រូវស្វែងយល់៖

• ពីឋានៈសង្គមរបស់ដៃគូរក្នុងដែលយើងកំពុងធ្វើបដិសណ្ឋារកិច្ច
• ពីវប្បធ៌មទំនៀបទំលាប់របស់ភ្ញៀវ
• ដឹងពីប្រពៃណីវប្បធ៌មរបស់ខ្លួន

1. ចេះប្រើសម្ភារៈ៖ ការធ្វើបដិសណ្ឋារកិច្ចល្អក៏ទាក់ទងទៅនិងការប្រើប្រាស់សម្ភារៈមួយចំនួនផងដែរ។ បុគ្គលដែលត្រូវធ្វើបដិសណ្ឋារកិច្ចត្រូវ៖

• ស្លៀកសមរម្យ មានឯសណ្ឋានតាមសេវាកម្មកាន់តែល្អ។បើជាស្ត្រីគេច្រើនឃើញ មាន បួងសក់។ បើជាបុរសចាំបាច់ត្រូវាក់ស្បែកជើងបូព៌ណខ្មៅ មានក្រវ៉ាត់ ករកាន់ តែល្អ។
• ត្រូវចេះតុបតែងខ្លួនតាមពីធីខុសគ្នា
• ត្រូវចេះប្រក្លិនទឹកអប់

សរុបសេចក្តីមកការធ្វើបដិសណ្ឋារកិច្ចខាងលើគ្រាន់តែការធ្វើបដិសណ្ឋារកិច្ចលើផ្នែកមួយប៉ុណ្ណោះ។ ការធ្វើបដិសណ្ឋារកិច្ចគឺលំអិតខុសៗគ្នាទៅតាមផ្នែកនិមួយៗនៃសេវាកម្ម។ឧទាហរណ៍បដិសណ្ឋារកិច្ចសំរាប់ផ្ទះស្នាក់,ការធ្វើបដិសណ្ឋារកិច្ចសំរាប់អាហារដ្ឋាន,ការធ្វើបដិសណ្ឋារកិច្ចសំរាប់អ្នកនាំភ្ងៀវ និងបដិសណ្ឋារកិច្ចសំរាប់ចុងភៅជាដើម។

ដោយ ទី ធាវី
Email: tytheavy@gmail.com
Tel: (855) 89 21 49 11