ខ្ទមស្លឹកបាត់ស្រី

រក្សាសិទ្ធគ្រប់យ៉ាង 

ដោយ ទី ធាវី

សមាជិកអ្នកនិពន្ធខ្មែរ
 Email: tytheavy@gmail.com
Tel: (855) 89 21 49 11

១. ឃើញខ្ទមស្លឹករលឹកនឹកស្នេហ៍ភក្តី                                  កាលខ្ទមសង់ថ្មីស្នេហ៍ស្រីភក្តីនឹងបង

ឥឡូវខ្ទមចាស់ស្ងាត់ណាស់បាត់រូបស្នេហ៍ស្នង                    ដៃធ្លាប់អង្អែលខ្នងឥឡូវនួនល្អងចោលបងកំព្រា។

២.ខ្ទមស្លឹកចាស់ឈឺណាស់យំនឹកពំងារ                               អង្រឹងកំព្រាខ្នើមុងរងារឯកា

ភ្លើងចង្កៀងអើយម្តេចឡើយមិនព្រមវាចារ                          សែនចុកចាប់ឈឺផ្សា

តើស្រស់ជីវ៉ាបាត់ទៅណាហើយ។                             

R.ឱរាត្រីកាលវាចារសួរបង                                                   សួររកនួនល្អងម្ចាស់កន្ទេលខ្នើយ

ខ្ទមចាស់កំសត់ម្ចាស់ព្រាត់ទៅណាហើយ                            ឱព្រលឹមបងអើយបងសែនឈឺផ្សា។

៣.ចំរៀងសោកាវាចារផ្តាំទៅមាសឆ្អិន                                 ស្នេហ៍ដូចសុបិន្តអូនមិនមានក្តីមេត្តា

បងយំនឹកស្រីអូនតាមម្តាយថ្លៃរៀបការ                                តើគួរប្រាប់អ្នកណាព្រោះតែដុល្លារៀបការគូរថ្មី។