ផឹកស្រាបំភ្លេចចន្ទ

រក្សាសិទ្ធគ្រប់យ៉ាង 

ដោយ ទី ធាវី

សមាជិកអ្នកនិពន្ធខ្មែរ
 Email: tytheavy@gmail.com
Tel: (855) 89 21 49 11

១.កាលផ្លាស់រដូវ                                                      ប្រាំងក្តៅរាំងស្ងួតហួតហែង              

អរុណទ័យបែកផ្សែង                                               ចំបែងម្នាក់ឯងឯកា    

អង្គុយលើស្ពានផ្ទៀងចាំពាក្យអូនសន្យា               ​  យប់នេះមេឃបាត់ចន្ទ្រា

ពំងារអូនមិនឃើញមក។

២. ដូងទេកំសត់                                                       សន្មត់ទីស្បថពាក្យស្រី         

ពាក្យអូនប្រែក្លាយអស់ន័យ                                     ពាក្យស្រីក្លាយជាទឹកក្រុត

អូនផ្តាច់សេ្នហាផ្ងើរសារអោយបងរន្ធត់                   ទឹកភ្នែកហូរធ្លាក់កំសត់          

គាំងស្លុតស្នេហ៍ខ្ញុំអស់ន័យ។

R. ដីភូមិត្រពាំងរូងប្រុសខ្ញុំយំព្រោះតែកល្យាណ      ស្មោះជ្រុះអស់លើស្ពានបៀមទុក្ខរីងរៃ

នៅភូមិព្រែកអង្គុញអូតាព្រំក៏យំព្រោះស្រី                 ខ្ញុំរស់ដូចគ្មានន័យ រាត្រីខ្វះចន្ទ។

៣. វត្តរូងគីរី                                                                 រាត្រីខំសាងផ្តើមសេ្នហ៍       

ចប់ហើយស្រីជ្រើសយកគេ                                        តាមម៉ែប្រែចិត្តប្រកាន់

អស់ន័យខ្លឹមសារ                                                        ផឹកស្រាអោយបំភ្លេចចន្ទ័

បំភ្លេចភូមិព្រែកក្បែស្ពានប្រកាន់ស្នេហ៍ខ្ញុំអ្នកក្រ។