ហូរទឹកភ្នែកពេលឃើញធៀបការ

រក្សាសិទ្ធគ្រប់យ៉ាង 

ដោយ ទី ធាវី

សមាជិកអ្នកនិពន្ធខ្មែរ
 Email: tytheavy@gmail.com
Tel: (855) 89 21 49 11

១.​ប្រជ្រុយថ្ពាល់ស្តាំស្នាមញញឹមនួនល្អង                             ថ្ពាល់ខួចខាងឆ្វេងផងរូបអូនស្រស់ដូចផ្កា

បងលបលួចមើលស្រីពេលថ្លៃកំពុងសិក្សា                            តាមប្រហោងជញ្ជាំងសាលាជីវ៉ាអូនស្អាតណាស់ថ្លៃ។

២.ពេលចោលភ្នែកចំបេះដូងបងស្ទើរគាំង                                                                        ពើបជួបស្នេហ៍គ្រាដំបូងបេះដូងលោតញ័រសែនភ័យ

ភ្នែកដេកក៏មិនលក់វីវក់ឃើញមុខតែស្រី                               ញញឹមដាក់បងណាថ្លៃគឺស្រីលួចយកបេះដូង។

R.​ចប់ឆ្នាំសិក្សាជីវ៉ានិងខ្ញុំបាក់ឌុបបំបែក                                                                        បងបានបរិញ្ញាទឹកភ្នែកទ្រូងអើយស្ទើរបែកបេះដូងក្រៀមក្រំ                                                 ខ្ញុំទៅលេងស្រុកបេះដូងគាំងស្លុតឮភ្លេងការម៉ុម                     ធៀបការចារឈ្មោះផ្ញើរខ្ញុំរៀបរាប់ឈ្មោះម៉ុមស្នេហ៍អើយចប់ហើយ។

៣.ទន្លេមេគង្គខែភ្ជុំធំដូចសមុទ្រ                                          ហូរច្រាំបាក់គួរស្លុតបាក់រន្ធត់យករូបម៉ុមហើយ

អស់ន័យខ្លឹមសារបរិញ្ញាគ្មានន័យអ្វីឡើយ                             យប់នេះទុក្ខខ្ញុំឥតស្បើយស្នេហាខ្ញុំអើយស្រីបានទៅគេ។